فقہاء کرام کی تصریحات کے مطابق ایک شخص کے سرمائے اور دوسرے کی محنت سے چلنے والا کاروبار عقد مضاربت کہلاتا ہے۔ مضاربت میں نفع کی تقسیم مضارب (کام کرنے والا ) اور رب المال (سرمایہ کا مالک) کے مابین کسی خاص تناسب سے طےکرناضروری ہے،چنانچہ  اگر مضاربت میں فیصد یا تناسب کے لحاظ سے نفع طے نہ ہو تو عقد مضاربت فاسد ہو جاتی ہے ۔

صورت مسئولہ کے مطابق اگر ایک عورت نے دوسری عورت کو رقم بطور قرض دیا ہو اور وہ اس سے کاروبار کرے تو اس کاربار سے حاصل ہونے والا سارا نفع دوسری عورت کی ملکیت ہو گی ۔ قرض دینے والی کا اس سے نفع میں حصے کا مطالبہ جائز نہیں ۔ اور اگر یہ رقم بطور  مضاربت دی ہو تو پھر منافع فیصد کے اعتبار سے طے کرنا ضروری ہے جبکہ صورت مسئولہ میں منافع فیصد کے اعتبار سے متعین نہیں اس لیے یہ عقد فاسد ہے۔

قال الله تعالیٰ:﴿وَأَحَلَّ اللَّهُ الْبَيْعَ وَحَرَّمَ الرِّبَا﴾(البقرة:275)

(قوله ‌كل ‌قرض ‌جر نفعا حرام) أي إذا كان مشروطا كما علم مما نقله عن البحر. (ردالمحتارعلى الدرالمختار،كتاب البيوع، باب المرابحة والتولية، فصل في القرض، ج:5، ص:166)

(عقد شركة في الربح بمال من جانب) رب المال (وعمل من جانب) المضارب.(وركنها الايجاب والقبول). (الدرالمختار على صدر ردالمحتار، كتاب المضاربة، ج:5، ص:645)

(وكون الربح ‌بينهما ‌شائعا) فلو عين قدرا فسدت (وكون نصيب كل منهم معلوما) عند العقد. ومن شروطها: كون نصيب المضارب من الربح، حتى لو شرط له من رأس المال أو منه ومن الربح فسدت.(الدرالمختار على صدر ردالمحتار، كتاب المضاربة، ج:5، ص:648)

قال: "ومن شرط ها أن يكون الربح بينهما مشاعا لا يستحق أحدهما دراهم مسماة "من الربح......فلعله لا يربح إلا هذا القدر. ( الهداية، كتاب المضاربة، ج3، ص263)