شرعی اعتبار سے رضاعت کا ثبوت دودھ  پینے والے کے اقرار یا دو عادل مردوں  یا ایک عادل مرد اور دو عادل عورتوں کی گواہی سے ہوتا ہے، صرف  ایک عورت کے قول کا اعتبار نہیں ۔ ہاں اگر اس کے قول پر سچائی کا اعتماد کیا جاسکتا ہو اور اس میں جھوٹ کا شائبہ نہ ہو تو شادی سے پہلے اس طرح نکاح سے احتراز  کرنا چاہیے۔

صورت مسئولہ کے مطابق نکاح سے پہلے رضاعت کی خبر دینے والی عورت (والدہ)کی خبر پر  اگرصداقت کا گمان پیدا ہوتا ہو تو  بہتر  یہ ہے کہ اس نکاح سے اجتناب کیا جائے ،ورنہ گواہ نہ ہونے کی صورت میں نکاح کی گنجائش ہے ۔

‌" الرضاع ‌يظهر بأحد أمرين أحدهما الإقرار والثاني البينة كذا في البدائع.ولا يقبل في الرضاع إلا شهادة رجلين أو رجل وامرأتين عدول كذا في المحيط…ولو تزوج امرأة فقالت امرأة أرضعتكما فهو على أربعة أوجه إن صدقاها فسد النكاح ولا مهر لها إن لم يدخل بها وإن كذباها فالنكاح بحاله …".(الفتاوى الهنديه،كتاب الرضاع،ج:1،ص:347)