واضح رہے کہ شوہر اگربیوی کو مہر میں متعین گھر یا زمین لکھ دے تووہ بیوی کی ملکیت بن جاتی ہے اور اس میں کسی کا کوئی حق نہیں ہوتا ،اسی طرح شوہر کے ذمے بیوی کے لیےمقرر کردہ تمام مہر  دینا واجب ہے ، اگر شوہر کا انتقال ہوجائے اور مکمل ادائیگی نہ کی ہو  تو اس کے میراث سے اس کی ادائیگی کی جائےگی۔

صور ت مسئولہ کے مطابق انور جمال نےبیوی کو بطور مہر گھر میں اپناحصہ لکھا تھاتو بیوی اس کی مالکہ ہے،لہذا یہ مرحوم کا میراث نہیں ہے،اسی طرح مہر میں لکھے گئے باقی دو تولے سونا بھی انور جمال کے ذمے قرض باقی ہے، اب اس کے ترکہ سے یہ قرض پورا کیا جائے گا،اور اگر اس نے ترکہ میں کچھ نہ چھوڑا ہوتو کسی اور کے ذمے اس کی ادائیگی لازم نہیں۔

 وقال الإمام الكرخي؛ المهر لا يكون إلا ما هو مال أو ما يوجِب تسليم مال.(الفتاوى التاتارخانية،کتاب النکاح،الفصل السابع عشر  في المهر،ج:4،ص159،مكتبه زكريا ديوبند)

أما الأول: فلأن ‌المسمى ‌دين ‌في ‌ذمته وقد تأكد بالموت فيقضى من تركته(البناية شرح الهداية،كتاب النكاح،باب المهر، ج:5، ص:195،دار الكتب العلمية)