واضح رہےکہ تحریری طلاق نامے پردستخط کرنےسے طلاق کےوقوع کے لئے شوہرکاارادہ طلاق ضروری ہے،یعنی جب شوہر طلاق نامہ خودلکھ لےیالکھےہوئےطلاق نامےپرطلاق دینےکی نیت سےدستخط کرے تواس سےطلاق واقع ہوجاتی ہے،اور اگر  دستخط کرتے وقت طلاق کی نیت نہ ہویا سرے سے علم ہی نہ ہو کے یہ طلاق  نامہ   ہےتو ایسی صورت میں طلاق واقع نہیں ہو گی  ۔

صورت مسئولہ کے مطابق اگر واقعی سائل نے گھر والوں کے دباؤ سے طلاق نامہ پر دستخط کیا تھا اور دستخط کرتے وقت طلاق دینے کی نیت نہیں تھی تو اس سے کوئی طلاق واقع نہیں ہو ئی  خواہ اس کو طلاق نامہ کا علم ہو یا نہ ہو ۔البتہ  سائل نے اس سے پہلے بیوی سے " طلاق دیتا ہوں" کے الفاظ دو مرتبہ کہے ہو ں تو اس سے دو طلاق رجعی واقع ہو گئی ہیں ، جس کے بعد عدت کے اندر اندر سائل اپنی بیوی کی طرف رجوع کر سکتا ہے جب کہ عدت گزرنے کے بعد محض رجوع کافی نہیں ، البتہ تجدید نکاح کر سکتے ہیں ۔ اور آئندہ صرف ایک طلاق دینے کا اختیار ہو گا ۔

‌رجل ‌أكره ‌بالضرب والحبس على أن يكتب طلاق امرأته فلانة بنت فلان بن فلان فكتب امرأته فلانة بنت فلان بن فلان طالق لا تطلق امرأته. (فتاوى قاضي خان ، كتاب الطلاق ، فصل في طلاق بالكتابة ، ج:1 ، ص:416 )

ويقع طلاق كل ‌زوج ‌بالغ ‌عاقل ولو عبدا أو مكرها فإن طلاقه صحيح.... وفي ‌البحر ‌أن ‌المراد الإكراه على التلفظ بالطلاق، فلو أكره على أن يكتب طلاق امرأته فكتب لا تطلق لأن الكتابة أقيمت مقام العبارة باعتبار الحاجة ولا حاجة هنا، كذا في الخانية. (ردالمحتارعلى الدرالمختار ، كتاب الطلاق ، مطلب في المسائل التي تصح مع الإكراه ، ج:3، ص:336،335 )

 ‌وإذا ‌طلق ‌الرجل ‌امرأته تطليقة رجعية أو تطليقتين فله أن يراجعها في عدتها. (الهداية ، كتاب الطلاق ، باب الرجعة ، ج:2، ص:254 )