وہ نام جسے نبی کریمﷺ ، صحابہ کرامؓ  یا قرون ماضیہ میں علماءو صلحاء نے استعمال کیا ہو یا  وہ نام جو اسلامی  معاشرہ میں رائج ہواور اس کا معنی غلط نہ ہو تو ایسا نام رکھنا جائز ہے۔

صحبان (صاد کے ضمہ اور حاء کے سکون کے ساتھ)  یہ جمع ہے  صاحب کی، جس  کا معنی ہے ساتھی  ۔ اور صبحان  (صاد کےفتحہ اور باءکے سکون کے ساتھ) یہ عربی کا لفظ ہے ا سکا معنی ہے  سیراب ہوکرکوئی مشروب  پینا ، معنی کے لحاظ سے دونوں نام رکھنے کی گنجائش ہے تاہم انبیاءکرام یا صحابہ کے نام رکھنا زیادہ بہتر ہے۔

صحب،صحبة وصحابةوصاحب:لازمه ورافقه وعاشره...الصاحب ج صحب وأصحاب وصحبة وصحبان.(لسان العرب، ج:7، ص:416)

والصبحان: الذي قد اصطبح فروي.(تاج العروس،ج:6، ص:533)