کسی شخص کی منکوحہ عورت سے دوسرے شخص کے لیے نکاح کرنا جائز نہیں۔ اگر کسی شخص نے اس طرح نکاح کیا تو یہ نکاح منعقد نہیں ہوگا بلکہ باطل قرار دیا جائے گا۔

صورت مسئولہ  میں دو سال بعد پہلے شوہر کے آجانے سے معلوم ہوا کہ اس کے مرجانے کا گمان درست نہیں تھا ، لہذا یہ عورت بدستور پہلے شوہر کے نکاح میں ہےاور دوسرے شوہر سے اس کا نکاح باطل ہے۔البتہ پہلے شوہر کے مرنے کے گمان کی وجہ سے ایک شبہ کی بنیاد پر دوسرا نکاح کیا گیا ہے، اس لیے پہلے شوہر پر لازم ہے کہ وہ  بیوی سے صحبت  کرنے کے لیےایک حیض گزرنے تک انتظار کرے ۔

" والمنكوحة نكاحا فاسدا والموطوءة بشبهة عدتهما الحيض في الفرقة والموت " لأنها للتعرف عن براءة الرحم لا لقضاء حق النكاح والحيض هو المعرف. (الهداية في شرح بداية المبتدي، ج:2، ص: 275، دار إحياء التراث العربي، بيروت)

(القسم السادس المحرمات التي يتعلق بها حق الغير) . ‌لا ‌يجوز ‌للرجل ‌أن ‌يتزوج زوجة غيره وكذلك المعتدة، كذا في السراج الوهاج... ولو تزوج بمنكوحة الغير وهو لا يعلم أنها منكوحة الغير فوطئها؛ تجب العدة، وإن كان يعلم أنها منكوحة الغير لا تجب حتى لا يحرم على الزوج وطؤها. (الفتاوى الهندية، ج:1، ص:280، دار الفكر، بيروت)