واضح رہے کہ مسجد کے اندر بلا کسی عذر کے نمازِ جنازہ ادا کرنا مکروہ ہے، اس لیے اس سے احتراز لازم ہے، تاہم اگر واقعی  کوئی عذر ہو اور مسجد کے علاوہ نماز جنازہ پڑھنے کے لیے کوئی اور جگہ نہ ہو تو پھر مسجدمیں نماز جنازہ پڑھنے کی گنجائش ہے ۔

لہذا صورت مسئولہ میں اگر واقعی کھیتی باڑی کے موسم میں نماز جنازہ پڑھنے کے لیے گاؤں کے قریب کوئی جگہ نہ ہو اور کھلے میدان تک نماز جنازہ لے جانے میں لوگوں کو تکلیف ہو تو مسجد میں نماز جنازہ ادا کرنے  کی گنجائش ہے تاہم اس صورت میں  بھی بہتر یہ ہے  کہ میت کو  محراب کی جانب باہر رکھ کر امام اور چند مقتدی اس کے ساتھ باہر کھڑے ہوں اور باقی لوگ مسجد کے اندر ہوں ۔

وقوله (ولا يصلى على ميت في مسجد جماعة) إذا كانت الجنازة في المسجد، فالصلاة عليها مكروهة باتفاق أصحابنا، وإن كانت الجنازة والإمام وبعض القوم خارج المسجد والباقي فيه لم تكره بالاتفاق، وإن كانت الجنازة وحدها خارج المسجد ففيه اختلاف المشايخ. (العناية شرح الهداية، كتاب الصلاة، باب الجنائز، فصل في الصلاة على الميت، ج:2، ص:492)

 “إنما ‌تكره ‌في ‌المسجد بلا عذر، فإن كان فلا، ومن الأعذار المطر كما في الخانية."(رد المحتار على الدر المختار،باب صلوة الجنازة، ج:2 ، ص:226)