جب کوئی شخص اپنی زندگی میں ہوش وحواس کے ہوتے ہوئے بغیر کسی دباؤ کے اپنی مملوکہ جائیداد کسی کو بلا عوض دےدے تو یہ شرعا ہبہ کہلاتا ہے ۔ ہبہ کے تام ہونے کی شرط یہ ہے کہ موہوب لہ موہوبہ چیز کو قبض کر لے ۔ چنانچہ اگر موہوب لہ کا موہوبہ چیز پر قبضہ کرنے سے پہلے ہبہ کرنے والا فوت ہو جائے تو موہوبہ چیز موہوب لہ کی ملک شمار نہ ہو گی ، بلکہ میراث میں شامل ہو کر تمام ورثا اس میں شریک  ہوں گے ۔ البتہ عملا قبضہ نہ ہو تو محض کاغذی کاروائی سے ملکیت ثابت نہیں ہوتی ۔ سرکاری کاغذات میں انتقال کروانا محض قانونی کاروائی ہے ، مستقل قبضہ نہیں ۔

صورت مسئولہ کے مطابق اگر واقعی باپ نے اپنی زندگی میں مکان بیٹی کے نام پرانتقال کر دیا ہولیکن قبضہ نہیں دیا تو باپ کی وفات کے بعد اس زمین میں تمام ورثا شریک ہوں گے ۔

(‌وركنها): ‌هو (‌الايجاب والقبول)..... (‌وتتم) ‌الهبة (بالقبض) الكامل. ( ردالمحتار على الدر المختار ، كتاب الهبة ، ج:5 ، ص:688 )