واضح رہے کہ اگر کسی شخص نے نذر کو شرط کے ساتھ معلق کیا  تو شرط پوری ہونے کی صورت میں نذر کا پورا کرنا واجب ہوگا۔ نیز اگر ناذر نے جانور کے ذبح کرنے کی نذر مانی ہو تو جانور کو ذبح کرنا لازم ہے، البتہ اگر جانور کے ذبح کرنے کی نذر نہیں مانی ،بلکہ اس کے صدقہ کرنے کی نذر مانی ہو تو اس صورت میں جانور کے بدلے اس کی قیمت دینے کی گنجائش ہے۔

صورت مسئولہ کے مطابق جس شخص نے بیوی کا حمل ٹھہرنے پرکالےرنگ  کی بکری ذبح کرنے  کی نذر مانی ہےتو حمل ٹھہرنے پر بکری ذبح کرنا ہی اس پر لازم ہے،بکری کی قیمت دینے  سے  ذمہ فارغ نہیں ہوگا،تاہم کسی بھی رنگ کی بکری ذبح کرسکتا ہے۔

ومن نذر نذرا مطلقا، أو معلقا بشرط ووجد وفى به) أي وفى بالمنذور لقوله عليه السلام «‌من ‌نذر ‌وسمى ‌فعليه الوفاء بما سمى». (البحرالرائق شرح كنز الدقائق، كتاب الأيمان، ج:4، ص:320)

إلا أن يقول إن برئت فلله علي أن أذبح شاة. فأفاد أنه ‌إذا ‌صرح ‌بنذر ‌الذبح ‌لزمه. (البحرا لرائق، كتاب الأيمان، ج:4، ص:322)

إذا صرح بنذر الذبح لزمه۔( البحرا لرائق، كتاب الأيمان، ج:4، ص:500)