ٓواضح رہے کہ لفظِ "آزاد "بذاتِ خود اگر چہ کنائی ہے، تاہم عرف میں یہ لفظ طلاق ہی کے لیے استعمال ہوتا ہے ، اس لیے فقہائے کرامؒ نے اس کو طلاقِ صریحی میں شمار کرکے  اس سے وقوعِ طلاق کا قول کیا ہے۔

 صورت مسئولہ میں اگرخاوند نےبیوی سےدودفعہ سے زیادہ یہ کہا ہو کہ" جاؤ تم آزاد ہو"تو اس کی بیوی پر تین طلاقیں واقع ہوگئی ہیں  جس سے بیوی  مطلقہ مغلظہ ہوچکی ہے لہذا وہ شخص اس سے دوبارہ رجوع یا تجدیدِ نکاح کا حق نہیں رکھتا، تاہم اگر دودفعہ یہ الفاظ کہے  ہوں تو اس صورت میں دو طلاق رجعی واقع ہوئی ہیں لہذاعدت میں    اس کو رجوع کا حق حاصل ہو گااور عدت گزارنے کے بعد تجدید نکاح کرسکتاہے۔

فإن سرحتك كناية لكنه في عرف الفرس غلب استعماله في الصريح فإذا قال " رهاكردم " أي سرحتك يقع به الرجعي مع أن أصله كناية أيضا، وماذاك إلا لأنه غلب في عرف الفرس استعماله في الطلاق.(ردالمحتار على الدرالمختار ، كتاب الطلاق،باب الكنايات،ج: 4 ص: 530)   

ان کان الطلاق ثلاثا فی الحرۃ او ثنتيين فی الامة لم تحل له حتى تنكح زوجا غيره نكاحا صحيحا ويدخل بها ثم يطلقها  او يموت عنها ۔(الهداية ،باب الرجعة،فصل فيما تحل به المطلقة،ج:2،ص:409)