شوہر کا بیوی کی طرف نسبت کرکے طلاق دینے سے طلاق واقع ہوجاتی ہے۔چاہے بیوی نے الفاظِ طلاق سنے ہوں  یا نہیں،بہرصورت طلاق واقع ہوجاتی ہے۔نیز اگر شوہر نے پہلے سے بیوی کو دو طلاقیں دی ہوں تو تیسری طلاق دینے کے ساتھ بیوی شوہر پر حرمتِ مغلظہ کے ساتھ حرام ہوجاتی ہے۔

صورتِ مسئولہ کے مطابق  اگر واقعی شوہر نے  بیوی کو پہلے سے دو طلاقِ رجعی دی ہوں اور  پھر شوہر نے موبائل فون پراپنی بیوی کو مذکورہ الفاظ” میں  تجھےطلاق  دیتا ہوں “کہے ہوں تو اس سے اس کی بیوی پر تیسری طلاق  مغلظہ واقع ہوکر بیوی ہوکر حرام ہوگئی ہے۔اگرچہ بیوی نے طلاق کے الفاظ کو نہ سنا ہو۔

(وأما شرطه) ‌على ‌الخصوص ‌فشيئان (أحدهما) قيام القيد في المرأة نكاح أو عدة (والثاني) قيام حل محل النكاح حتى لو حرمت بالمصاهرة بعد الدخول بها حتى وجبت العدة فطلقها في العدة لم يقع لزوال الحل وإذا طلقها ثم راجعها يبقى الطلاق وإن كان لا يزيل الحل والقيد في الحال لأنه يزيلهما في المآل حتى انضم إليه ثنتان كذا في محيط السرخسي. (الفتاوى الهندية، كتاب الطلاق،الباب الأول في تفسير الطلاق وركنه وشرائطه،ج:1، ص:348)

" ‌وإن ‌كان ‌الطلاق ‌ثلاثا في الحرة أو ثنتين في الأمة لم تحل له حتى تنكح زوجا غيره نكاحا صحيحا ويدخل بها ثم يطلقها أو يموت عنها ". (الهداية،كتاب الطلاق،فصل فيما تحل به المطلقة، ج:2، ص:257)