واضح رہےکہ سرکاری اداروں کے ملازمین اجیر خاص کے حکم میں ہوتے ہیں، اس لیے وہ ملازمت کے مقررہ اوقات میں حاضر رہ کراپنی خدمات ادارہ کے سپرد کرنے  سے اجرت (تنخواہ)  کے مستحق ہوتےہیں، اگروہ ملازمت کے مقررہ اوقات میں  حاضر نہیں ہوتے ہیں تو اس کے بقدر تنخواہ کےمستحق نہیں ہوتے ہیں۔

صورت مسئولہ کے مطابق سائل  دیگر سٹاف کے ساتھ ملکر سربراہ کو سمجھانے کی کوشش کرے تاہم اگر اس سے معاملہ حل نہیں ہوتا تو پھر سائل کے لیے ضروری ہے کہ وہ سرکار کی طرف سے مقررہ وقت میں خود کو حاضررکھے ، اگر چہ سربراہ  اسکول وقت سے پہلے چھٹی کراتا ہو،اور اگر سربراہ کے وقت سے پہلے چھٹی کرنے کے ساتھ سائل بھی چھٹی کرکے چلا جاتا ہے تویہ جائز نہیں اور اس مقدار کے بقدر تنخواہ بھی واپس کرے گا،جہاں تک تفریح کا مسئلہ ہے تو اگر سربراہ ادارہ نے تفریح کا وقت اور شیڈول ایسا بنایا ہو کہ تفریح کے بعد اگلا پیریڈ کا دورانیہ شروع ہوتا ہے تو آپ کے ذمے صرف کلاس میں حاضری دینا لازم ہوگا ،اورخالی پیریڈز کے دورانیہ میں صرف اسکول سے متعلق کام  ،مطالعہ اور اسباق کی تیاری وغیرہ میں کرے ،تاکہ بچوں کا تعلیمی حق صحیح طور پر ادا ہو اور اس میں حق تلفی نہ ہویہ وقت ذاتی مشغولیت میں صرف کرنے سے اجتناب کرےاور سربراہ ادارے نے  جتنے پیریڈ لینے کا شیڈول بنایا ہے سائل کے ذمے  ان پیریڈ میں خود کو حاضر رکھنا لازم ہےاور اس میں کوتاہی نہ کرے، باقی سربراہ کے فعل سے سائل کی تنخواہ پر کوئی اثر نہیں پڑتا جب تک خود کسی کوتاہی کا مظاہرہ نہ کرے ۔

(والثاني) وهو ‌الأجير (‌الخاص) ويسمى أجير وحد (وهو من يعمل لواحد عملا مؤقتا بالتخصيص ويستحق الأجر بتسليم نفسه في المدة وإن لم يعمل كمن استؤجر شهرا للخدمة أو) شهرا (لرعي الغنم) المسمى بأجر مسمى.(فتح القدير على الهداية،كتاب الإجارات،ج:9،ص:140،دار الفكر)

ثم الأجرة ‌تستحق ‌بأحد ‌معان ثلاثة إما بشرط التعجيل أو بالتعجيل أو باستيفاء المعقود عليه فإذا وجد أحد هذه الأشياء الثلاثة فإنه يملكها.(الفتاوى الهندية،كتاب الإجارة،الباب الثاني متى تجب الأجرة،ج:4،ص: 412،دار الفكر)