اگر کوئی شخص اپنی بیوی کی  طلاق کو کسی شرط کے ساتھ معلق کرےتو جب  بھی شرط پائی جائے طلاق واقع ہوگی۔ نیز اگر شرط کا وجود تعلیق سے پہلے پایا  گیا ہو تو کوئی طلاق واقع نہ ہوگی۔

صورت مسئولہ کے مطابق کسی شخص کا اپنی بیوی سے یہ کہنا کہ ''اگر میری اجازت کے بغیر گھر سے باہر قدم رکھا تو تم کو تین طلاق''تعلیق طلاق ہے ۔لہذا  شوہر کے مذکورہ الفاظ کہتے وقت  اگر عورت پہلے سے گھر سے باہر ہو تو ایسی صورت میں کوئی طلاق واقع نہیں ہوئی،تاہم اگر بیوی گھر آجائےاور اس کے بعد شوہر کی اجازت کے بغیر گھر سے باہر قدم رکھے تو شرط موجود ہونے کی وجہ سے بیوی پر تین طلاقیں واقع ہوکر حرمت مغلظہ کے ساتھ شوہر پر حرام ہوجائے گی۔

إذا أضافه إلى الشرط وقع عقيب الشرط.(الفتاوى الهندية،كتاب الطلاق،الباب الرابع في الطلاق بالشرط،ج:1،ص:420،دار الفكر بيروت)