واضح رہے کہ جب کوئی شخص کسی غیر منقول شئی مکان،دکان  وغیرہ  کو فروخت کرے تو اس پر تین قسم کے آدمیوں کو ترتیب وار شفعہ کا حق حاصل ہو تا ہےاول اس کو جو نفسِ مبیع میں شریک ہو  ،پھر اس کو جو کہ حق  مبیع میں شریک ہو پھر اس کو جو کہ پڑوسی ہو۔ نفسِ مبیع میں شریک  کی موجودگی اور طلب پر  بقیہ دونوں محروم ہوں گےاسی طرح حق مبیع میں شریک کی موجودگی اور طلب پر پڑوسی محروم ہو گا اور اگر یہ دونوں نہ  ہوں یاطلبِ شفعہ نہ کریں  تو پڑوسی شفعہ کا حق دار ہو گا۔

صورت مسئولہ کے مطابق مالک کا مارکیٹ میں اپنی  دکان  فروخت کرنےیاٹاؤن میں گھر فروخت کرنے پروہ خریدار مالک بن جاتا ہے لہذا وہ اس کی بنیاد پر شفعہ کرنے کا حق  رکھتا ہے۔

الشفعة مناسبته تملك مال الغير بغير رضاه ۔۔۔(وسببها اتصال ملك الشفيع بالمشترى) بشركة أو جوار. (وشرطها: أن يكون المحل عقارا)(الدر المختار شرح تنويرالابصار،ج:6،ص:217)

قال: "الشفعة واجبة للخليط في نفس المبيع ثم للخليط في حق المبيع كالشرب والطريق ثم للجار۔(الھدایة،ج:،ص:308)

ثم إن سبب الشفعة عند عامة المشايخ اتصال ملك الشفيع بملك البائع؛ لأن الشفعة إنما تجب لدفع ضرر الدخيل عن الأصيل وهو ضرر سوء المعاملة والمعاشرة، وإنما يتحقق هذا الضرر عند اتصال ملك الشفيع بالمبيع.)فتح القدير،ج:9،ص:369)