اگر کسی نے یہ نذر مانی کہ اگر میرا فلاں کام ہو گیاتو ہر جمعرات کو  روزہ رکھنا مجھ پر لازم ہےاور پھر وہ کام ہوجائے تو اس پر زندگی بھر  ہر جمعرات  کو روزہ رکھنا لازم  ہوجاتا ہےتاہم اگر کسی وجہ سے جمعرات کے دن روزہ نہ رکھ سکے تو کسی دوسرے دن اس کی قضا  ركهنالازم ہو گا۔

صورت مسؤلہ کے مطابق عورت کا یہ کہناکہ اگر میں حاملہ ہو جاؤں  تو میں ہر جمعرات کو روزہ رکھوں گی اور پھر وہ حاملہ گئی تو اس پر زندگی بھرہر جمعرات کو روزہ رکھناواجب  ہےتاہم اگرکسی وجہ سے  جمعرات کو روزہ نہ رکھ سکےتو دوسرے دن اس کی قضا کرنے سے ذمہ فارغ ہو جائے گالیکن اگر بڑھاپے کی وجہ سے  یا کسی  بیماری اور ضعف کی وجہ سے  نذر کے روزے رکھنے پر قدرت نہ ہو تو اس صورت میں ہر جمعرات کے روزے  کا فدیہ لازم ہو گا اور اگر تنگ دستی کی بنا پر فدیہ دینے سے  بھی  قاصر ہو تو   توبہ واستغفارکرتی  رہے۔

إذا نذر ‌أن ‌يصوم ‌كل ‌خميس يأتي عليه فأفطر خميسا واحدا فعليه قضاؤه كذا في المحيط.ولو أخر القضاء حتى صار شيخا فانيا أو كان النذر بصيام الأبد فعجز لذلك أو باشتغاله بالمعيشة لكون صناعته شاقة فله أن يفطر ويطعم لكل يوم مسكينا على ما تقدم، وإن لم يقدر على ذلك لعسرته يستغفر الله إنه هو الغفور الرحيم۔(الفتاوى الهندية،ج:1،ص:209)