واضح رہے کہ جب کوئی شخص نذر کوکسی کام کے ساتھ مشروط کرے تو شرط کے موجود ہونے کے ساتھ نذر کی ادائیگی واجب ہوگی بشرط یہ کہ منذور(جس چیز کی نذر مانی ہو)عبادت مقصود ہ ہو اور اس کی  جنس سے کوئی فرض یا واجب ہو ۔

صورتِ مسئولہ میں اگر کسی نے  یہ قسم کھائی کہ   اگر میرے بیٹے کو نوکری مل گئی تو میں پوری زندگی ہر ماہ 10 روزے رکھوں گا یا کسی نے یوٹیوب چینل کھولا اور یہ نذر مان لی کہ میرے جتنے سبسکرائبرز (subscribers) ہوں گے اتنی تعداد میں دن میں رکعات پڑھوں گا، تو شرط کے پائے جانے کی صورت میں نذر کے مطابق ہر ماہ دس روزے اور جتنے سبسکرائبرز (subscribers) ہونگے اتنی تعداد میں دن میں رکعات پڑھنا پڑھےگا، جب تک روزہ اور نماز کی طاقت   ہوگی ،تب تک  روزہ اور نماز ہی واجب ہے ۔تاہم اگر  بیماری یا بڑھاپےکی وجہ روزہ اور نماز پرقادر نہ  ہو،  تو ہر روزےکے بدلے اور ہر دو رکعت نماز کے بدلہ ایک  فدیہ ادا کرےگا لیکن اگر غربت کی وجہ سے  فدیہ ادا کرنے پر  بھی قادر نہ ہو تو پھر اللہ تعالی سے بخشش مانگتارہے امید ہے کہ اللہ تعالی اس کو معاف فرمائیں گے۔

إذا نذر أن يصوم كل خميس يأتي عليه فأفطر خميسا واحدا فعليه قضاؤه كذا في المحيط ولو أخر القضاء حتى صار شيخا فانيا أو كان النذر بصيام الأبد فعجز لذلك أو باشتغاله بالمعيشة لكون صناعته شاقة فله أن يفطر ويطعم لكل يوم مسكينا على ما تقدم وإن لم يقدر على ذلك لعسرته يستغفر الله إنه هو الغفور الرحيم۔(الفتاوی الهندية،کتاب الصوم،الباب السادس في النذر،ج:1،ص:272)

لله علي أن أصلي لزمه ركعتان وكذا إن قال: أصلي صلاة (الفتاوی الهندية،كتاب الصوم،ج:3،ص:99 )

ولو مات وعليه صلوات فائتة وأوصى بالكفارة يعطى لكل صلاة نصف صاع من بر(الدرالمختار مع ردالمحتار،باب قضاء الفوات ج:2،ص:72)