اپنی بیوی سےطلاق کے صریح الفاظ تین مرتبہ کہنے سے رشتہ نکاح مکمل طور پر ختم ہوجاتا ہے اور بیوی شوہر پر حرام ہوجاتی ہے۔ عدت گزرنے کے بعد اگر وہ عورت اپنی مرضی واختیار سےکسی دوسرے شخص سے شادی کرے اوران کے مابین ازدواجی تعلق بھی قائم ہوجائے ، اور پھر وہ دوسرا شوہر اس کو طلاق دے یا فوت ہوجائے تو پھر عدت گزرنے کے بعد اگر پہلے شوہر کے ساتھ نکاح کرنا چاہے تو کرسکتی ہے۔

صورت مسئولہ کے مطابق چونکہ سائل نے غصہ کی حالت میں بیوی کے سامنےاسے تین بار "طلاق، طلاق، طلاق" کے الفاظ کہے ہیں، اس لیے طلاق مغلظ واقع ہوکر بیوی شوہر پر حرام ہوچکی ہے، اب ان کو چاہئے کہ فورا علیحدگی اختیار کریں، ان کے لیے میاں بیوی کی حیثیت سے اکٹھا رہنا جائز نہیں ۔

قال الله تعالى: ﴿فَإِنْ طَلَّقَهَا فَلَا تَحِلُّ لَهُ مِنْ بَعْدُ حَتَّى تَنْكِحَ زَوْجًا غَيْرَهُ ﴾  (البقرة، الآية:230)

قوله تعالى: ﴿فإن ‌طلقها فلا تحل له من بعد حتى تنكح زوجا غيره﴾ منتظم لمعان: منها تحريمها على المطلق ثلاثا حتى تنكح زوجا غيره. (أحكام القرآن للجصاص، ج:1، ص:472، دار الكتب العلمية، بيروت)

ولا يلزم ‌كون ‌الإضافة صريحة في كلامه؛ لما في البحر لو قال: طالق فقيل له من عنيت؟ فقال امرأتي طلقت امرأته... فهذا يدل على وقوعه وإن لم يضفه إلى المرأة صريحا. (رد المحتار على الدر المختار، ج:3، ص:248، دار الفكر، بيروت)