ایک ہی ملک کی کرنسی کےباہمی تبادلہ کے لئے جانبین میں برابری لازم ہے اور کمی بیشی جائز نہیں جبکہ مختلف ملکوں کی کرنسیوں کا باہمی تبادلہ کمی زیادتی کے ساتھ بھی جائز ہے اور مروجہ کرنسی چونکہ ثمن عرفی ہے اس لئے مجلس عقد میں دونوں کرنسیوں کی بجائے کسی ایک کرنسی  پر قبضہ ضروری ہے  تاکہ ادھار کے بدلہ ادھار کی بیع لازم نہ آئے۔نیز عقد میں مبیع کی جو قیمت عاقدین کی رضامندی سے مقرر ہوجائے تو اس سے زیادہ بائع کے لئے بغیر عوض کے لینا  جائز نہیں۔

صورت مسئولہ کے مطابق5000 ہزارروپے کے  نوٹ  4800 روپےسے تبادلہ کرنا سود کے زمرے میں آتا ہے جوکہ جائز نہیں ۔جہاں تک دوسرے مسئلہ کی بات تو اس میں تفصیل یہ ہے کہ عقد میں جو قیمت عاقدین کی رضامندی سے طے ہوجائے،اس سے زیادہ بائع کے لئے لینا جائز نہیں البتہ   اس طرح کرنا جائز ہےکہ بائع عقد میں مبیع کی قیمت زیادہ مقرر کرےیعنی ابتدا سے 2500 کی بجائے 2700 پر فروخت کرےتو پھروہ 5000 کے نوٹ میں سے 2700کاٹ سکتا ہے۔

قال رسول الله صلى الله عليه وسلم: «ألا تظلموا ألا لا يحل مال امرئ إلا ‌بطيب ‌نفس ‌منه.(مشكاة لمصابيح،باب الغصب والعارية،رقم الحديث:2946،ج:2،ص:889)

باع فلوسا بمثلها أو بدراهم أو بدنانير فإن نقد أحدهما جاز)وإن تفرقا بلا قبض أحدهما لم يجز۔ (تنوير الابصار مع الدر المختار،باب الربا،ج7،ص:414)

وعلتہ: أي علۃ التحریم الزیادۃ القدر المعہود بکیل أو وزن مع الجنس، فإن وجدا حرم الفضل والنساء، وإن عد ما حلا، وإن وجد أحدہما حل الفضل وحرم النساء.(رد المحتار على الدر المختار،باب الربوا،ج:5،ص:172)

والثمن تقدير لمالية المبيع باتفاق العاقدين، وإذا زاد في المبيع أو الثمن علم أيهما أخطأ في التقدير، وغلط فيه، وما هو الموجب الأصلي قد ثبت بالبيع، فإذا بينا التقدير كان ذلك بيانا للموجب الأصلي.(بدائع الصنائع،فصل في حكم البيع،ج:5،ص:259)