واضح رہے کہ  سری نماز میں آہستہ آواز سے  اور جہری  نمازمیں بلند آواز سے قرات کرنا واجب ہے ، جہری قرات کی حد یہ ہے کہ  کم از کم صف ِاول کی مقتدی اس کی قرات سن سکےجب کہ سر ی قرات کی حد یہ ہے کہ آدمی خود اس کو سن سکے، تاہم اگر قریب  کےایک دو آدمی سن لے تو اس میں کوئی حرج نہیں۔

لہذا صورتِ مسئولہ کے مطابق اگر   امام صاحب  سری نماز میں اس طرح قراءت کرےکہ اگر مائیک نہ ہوتا تو قرات صرف  امام صاحب اور اس کے قریب ایک یا دو مقتدی کو سنائی دیتی لیکن مائیک کی وجہ سے مقتدیوں کو آواز پہنچی تو ایسی صورت میں  بغیر سجدسہوہ کے  نماز ادا ہوجائے گی ؛کیونکہ سجدہ سہوہ کسی واجب کے رہ جانےکی  صورت میں لازم ہوتا ہے اوریہاں کوئی واجب فوت نہیں ہوا ،تاہم مسجد کے ذمہ دار حضرات کو چاہیے کہ مائیک کی آواز اتنی تیز نہ رکھیں  کہ امام کی سری قرات بھی مقتدیوں کوسنائی دے۔نیز امام صاحب کو بھی مائیک منہ سے زیادہ قریب نہیں رکھناچاہیے۔

أدنى الجهر أن يسمع غيره وأدنى المخافتة أن يسمع نفسه وعلى هذا يعتمد. كذا في المحيط وهو الصحيح.(الفتاوى الهندية،الفصل الثالث في سنن الصلوة،ج:1،ص:72)

وفي الخلاصة الإمام إذا قرأ في صلاة المخافتة بحيث سمع رجل أو رجلان لا يكون جهرا والجهر أن يسمع الكل(بحرالرائق،باب  أداب الصلوة،ج:1،ص:356)

أدنى المخافتة إسماع نفسه أو من بقربه من رجل أو رجلين مثلا... وأدنى الجهر إسماع غيره ممن ليس بقربه كأهل الصف الأول،(ردالمحتار مع ردالمختار،فصل في القراة،ج:1،ص:535)

وعن محمد بن مزاحم قال: صليت خلف سعيد بن جبير فكان الصف الأول يفقهون قراءته في الظهر والعصر،(البناية شرح الهداية،ج:2،ص:294)