واضح رہے کہ مشترکہ مال میراث میں جب کوئی وارث اپنی طرف سے تصرف کرے اور دیگر ورثا کی طرف سے اسے نہ صریحی اجازت حاصل ہو اور نہ اشارۃ ، تو اس صورت میں اس کے لیے تصرف جائز نہیں لہذا  اس سے  حاصل شدہ نفع فقراء میں تقسیم کرےگا ،لیکن اگر دیگر ورثا کی  طرف سے تصرف کی اجازت ہو تو یہ اجازت اگر شراکت کی بنیاد پر ہو تو حاصل شدہ نفع میں سب شریک ہونگے اور اگر قرض کے طور پر ہو تو نفع سارا کا سارا تصرف کرنے والے کا ہی شمار ہوگا۔

صورت مسئولہ میں اگر  بہن کے حصے سے اس کی اجازت سے  منافع حاصل کئے ہو ں،تو  اس کے لیے وہ منافع  حلال ہیں ، اور اس کو واپس کرنا اس پر لازم نہیں ،لیکن اگر بہن کا حصہ اس کی اجازت کے بغیر استعمال کر کے اس سے نفع حاصل کیا ہو تو اس نفع کو   فقراء پر صدقہ کرےگا۔

إذا أخذ أحد الورثة مبلغا من الدراهم من التركة قبل القسمة بدون إذن الآخرين وعمل فيه وخسر فتكون الخسارة عائدة إليه كما أنه ربح فلا يسوغ لبقية الورثة طلب حصة منه)لإنه إما غاصب أو مستودع،وكل منهمااستربح فيما في يده لنفسه، يكون ربحه له لا للمالك،لكن يملكه ملكاخبيثا سبيله التصدق علی الفقراء.(شرح المجلة ،المادة:1090،ج:4،ص:29۔30)

‌التصرف ‌في ‌ملك ‌الغير بغير الإذن غير صحيح.( البناية شرح الهداية،باب اشتراط القبض لإنعقاد الهبة،ج:10،ص:163)