واضح رہے کہ واہب(ہبہ دینے والا)موہوب لہ(جس کو ہبہ دے دیا  ہو)کو کوئی چیز ہبہ کردے تو اس پر موہوب لہ کی ملکیت تب ثابت ہوگی جب  موہوب لہ  اس شئی موہوب پر قبضہ کرے اور اس سے واہب اپنا قبضہ اور تصرف ختم کردے اس سے وہ چیز موہوب لہ کی ملکیت ہوجائے گی اور اس سے واہب کی ملکیت ختم ہوجائے گی۔

صورت مسئولہ کے مطابق   اگر   مسجدکے  پیش  امام  کو زمین  ہبہ کردی گئی ہو تو ایسی زمین میں امام ہر قسم کے تصرف کرنے کا اختیار رکھتا ہے،لہذا کسی کے لیے ایسی زمین کی  واپسی کا مطالبہ  جائزنہیں۔

وإذا ‌مات ‌الواهب فوارثه أجنبي عن العقد إذ هو ما أوجبه وهو مجرد خيار فلا يورث.(البحر الرائق،كتاب الهبة،باب الرجوع فى الهبة،ج:7،ص:497)

والعمرى ‌جائزة للمعمر له حال حياته ولورثته من بعده.(الهداية،كتاب الهبة،باب مايصح رجوعه وما لايصح،ج:3،ص:294)