فقہاے کرام کی تصریحات کے مطابق ایک شخص کے سرمائے اور دوسرے کی محنت سے چلنے والا کاروبار عقد مضاربت کہلاتا ہے۔مضاربت میں نفع کی تقسیم مضارب اور رب المال کے مابین کسی خاص تناسب سے طےکرناضروری ہے،جب کہ حقیقی نقصان کا ذمہ دار صرف رب المال (سرمایہ کا مالک) ہوا کرتا ہے۔اگرمضاربت میں مضارب یارب المال (سرمایہ دینے والے) میں سےکسی ایک کے لیے خاص معین رقم مقرر کی جائے، تواس سے عقد مضاربت فاسد ہو جاتی ہے۔

سوال میں بیان کردہ معاملہ دووجہوں سے  جائز نہیں؛ ایک اس وجہ سےکہ اس میں رب المال کے لئے ماہانہ (6000) رقم مقرر کی گئی ہے،جب کہ دوسری وجہ یہ ہے کہ اس میں پورےسرمایہ کی واپسی کی شرط ہے۔  ان دونوں شرائط کی وجہ سےیہ سودکا معاملہ بن گیا ہےاس لیے اس معاملہ کو ختم کرنالازم ہے۔

قال: "ومن شرطھا أن يكون الربح بينهما مشاعا لا يستحق أحدهما دراهم مسماة "من الربح لأن شرط ذلك يقطع الشركة بينهما.( الهداية، كتاب المضاربة، ج:3، ص:263)