واضح رہے کہ ناپ تول میں احتیاط کرنا شرعاً نہایت  ضروری ہے۔

صورت مسؤلہ کے مطابق شہد کو ڈبے کے ساتھ فروخت کرتے وقت  ایک کلو کے ڈبے میں پوراایک کلو شہد ڈالنا  لازمی ہے اور  اگر   شہد کا وزن  ایک کلو سے کم ہو اور اس کے ساتھ ڈبے کا وزن  شامل کر کے ایک کلو وزن پورا کیا گیا ہو تو اس صورت میں گاہک کو بتانا ضروری ہے کہ شہد کا وزن ایک کلو سے کم ہے لیکن  ہم نے ان  اس کو ڈبے کے ساتھ ایک کلو وزن  کیا ہے اس صورت میں  بائع اور مشتری کا آپس میں رضامندی سے عقد کرنے میں شرعاً کوئی حرج نہیں ،تاہم اگر کسی علاقے میں  یہ عرف ہو کہ ڈبے کو شہد کے ساتھ وزن کرکےتو لا جاتا ہو جس کے نتیجے میں شہد کا وزن ایک کلو سے کم جبکہ ڈبے کے ساتھ ایک کلو وزن بنتاہو تو عرفاً اس کی بھی گنجائش ہے۔

قال الله تعالي :وَأَوْفُوا الْكَيْلَ وَالْمِيزَانَ بِالْقِسْطِ۔(الأنعام:152)

البيع مبادلة المال بالمال بالتراضی۔(ردالمحتار علی الدرالمختار،كتاب البيوع،ج:4،ص:507)

المعروف عرفا كالمشروط شرطا۔(البحرالرائق ،كتاب الوكالة،باب التوكيل بإفاءجميع الحقوق واستفائها،ج:7،ص:150)