طلاق کےالفاظ دو قسم کے ہیں:صریح اور کنائی،صریح سے مر اد ایسے الفاظ ہیں جو صرف طلاق کے لیےاستعمال کئے جاتے ہوں،اس میں نیت کے بغیر  طلاق واقع ہوتی ہےتاہم بعض الفاظ اصل معنی کے اعتبار سے کنائی  ہیں لیکن عرف میں طلاق صریح کے لیےاستعمال ہونے کی وجہ سےالفاظ صریح کے حکم میں ہوتے ہیں اور کنائی سے مراد ایسے الفاظ ہیں  جو طلاق کےساتھ کسی اور معنی کا بھی احتمال رکھتے ہوں،اس میں نیت کے بغیر طلاق واقع نہیں ہوتی۔

صورت مسئولہ کے مطابق اگر شوہر نے بیوی سے یہ الفاظ "میں نے آپ کو کب کا آزاد کیا ہوا ہے"کہے ہوں تو اس سے پہلی طلاق رجعی واقع ہوگئی ہےپھر اگر عدت ختم ہونے سے پہلے یا رجوع کے بعدیہ الفاظ"تم میری طرف سے آزاد ہو "کہے ہوں تو اس سے دوسری طلاق واقع ہوگئی ہے،اس کے بعداگر ان الفاظ "میں تمہیں کئی دفعہ چھوڑ چکا ہوں" سےسابقہ طلاق کی خبر دینا مراد ہو اور نئی طلاق کی نیت نہ ہو تو اس سے طلاق واقع نہ ہوگی البتہ اگر اس سے نئی طلاق کا ارادہ کیا ہوتواس سے تیسری طلاق بھی واقع ہوگی ۔اس  جملے سے طلاق کے عدم وقوع کی صورت میں اس کے بعد"میں تمہیں سو دفعہ آزاد کرچکا ہوں"سے تیسری طلاق واقع ہوکر بیوی مطلقہ مغلظہ ہوگئی ہےلہذا شوہر کا بیوی سے ازدواجی تعلقات قائم رکھنا جائز نہیں ہے۔

الصريح (صريحه ما لم يستعمل إلا فيه) ولو بالفارسية (كطلقتك وأنت طالق ومطلقة) و(كنايته) عند الفقهاء (ما لم يوضع له) أي الطلاق (واحتمله) وغيره (ف)-الكنايات (لا تطلق بها) قضاء (إلا بنية أو دلالة الحال) وهي حالة مذاكرة الطلاق أو الغضب، (الدر المختار،كتاب الطلاق، باب الصريح و الكنايات، ص:214)

‌‌لو ‌أراد ‌به ‌الخبر عن الماضي كذبا لا يقع ديانة، وإن أشهد قبل ذلك لا يقع قضاء أيضا.)رد المحتار مع الدر المختار،كتاب الطلاق،فصل في المسائل اللتي تصح مع الإكراه،ج:3، ص:228)

وإذا قال:رہا کردم أي سرحتك، يقع به الرجعي مع أن أصله كناية أيضا،وما ذاك إلا لأنه غلب في عرف الفرس استعماله في الطلاق،وقد مر أن الصريح ما لم يستعمل إلا في الطلاق من أي لغة كانت.(رد المحتار مع الدر المختار،كتاب الطلاق، باب الكنايات، ج:3،ص:299)

(‌الصريح ‌يلحق ‌الصريح و) يلحق (البائن) بشرط العدة (والبائن يلحق الصريح) الصريح :ما لا يحتاج إلى نية بائنا كان الواقع به أو رجعيا. (رد المحتار مع الدر المختار،كتاب الطلاق، باب الكنايات، ج:3، ص:306)