سرکاری فنڈ جس مد کے لیے  مختص کیا گیا ہو  اسی مد میں استعمال کرنا  لازم ہوتا ہے اس کے علاوہ کسی مد میں استعمال جائز نہیں ،البتہ کوئی فنڈ اگر صوابدیدی اختیار کے ساتھ کسی صاحب منصب  کے حوالہ کیا گیا ہو تو اس کے صوابدیدی اختیارات کے مطابق اس فنڈ کو مفاد عامہ کے لیے کسی بھی جگہ صرف  کرنا جائز ہوگا۔

صورت مسئولہ میں اگرحکومت کی طرف سے پرنسپل کو سپورٹس کےفنڈزدوسرےمدات میں استعمال کرنے کی اجازت ہو توپھر اس کا استعمال کرنا جائز ہوگا اور اگراس کو صرف سپورٹس  میں استعمال کرنے کی اجازت دی گئی ہو تو پھر اس کو دوسرے مدات میں استعمال کرنا جائز نہیں۔

"الوکیل انما یستفید التصرف من الموکل وقد امرہ بالدفع الی غیرہ کما لو اوصی لزید بکذا لیس للوصی الدفع الی غیرہ فتامل" (ردالمحتار علی الدرالمختار ،کتاب الزکوۃ ،ج:3 ،ص:189)

"واذا اراد ان یصرف شیئا من ذالک ۔۔۔ فلیس لہ ذالک الا ان کان الواقف شرط فی الوقف"(الفتاوی الھندیۃ الفصل ،الثانی فی الوقف ،ج:2 ،ص:463)