واضح رہے کہ نکاح کے بعد اگر  خلوت صحیحہ   سے پہلے بیوی کو طلاق دی جائے یا عدالت کے ذریعے اس کا نکاح ختم ہو جائے تو ایسی عورت پر عدت گزارنا واجب نہیں، البتہ اگرخلوت صحیحہ   ہو چکی ہو تو پھرکسی اور سے  نکاح کرنے  کے لیے عدت گزارنا   واجب ہے۔

صورت مسئولہ کے مطابق چونکہ رخصتی سے قبل بھی خلوت صحیحہ کا امکان ہوتا ہے ،اس لیے ہمارے فتوی میں عدت کی شرط لکھی گئی   تھی، تاہم جواب میں  کچھ اجمال تھا اس کی تصحیح کردی گئی ہے۔

رجل ‌تزوج ‌امرأة نكاحا جائزا فطلقها بعد الدخول أو بعد الخلوة الصحيحة كان عليها العدة كذا في فتاوى قاضي خان ۔إن فرق قبل الدخول لا تجب العدة ،‌‌أربع ‌من ‌النساء لا عدة عليهن: المطلقة قبل الدخول. (الفتاوي الهندية،الباب الثالث عشرفي العدة،ج:1،ص:579،580)