شریعت مطہرہ کی رُو سے مالک اپنی مملوکہ چیز کو خریدار پر اس کی رضامندی کے ساتھ کم یا زیادہ قیمت پر فروخت کرسکتا ہےبشرطیکہ وہ چیز مالک کے قبضہ میں ہو کیونکہ جو چیز قبضہ میں نہ ہو اس کو آگے بیچنا جائز نہیں، تاہم غیر منقولی اشیاء(زمین،جائیدادوغیرہ)کو قبضہ سے پہلےبھی فروخت کرسکتا ہے۔

              صورت مسئولہ کے مطابق پلاٹ کی خریداری کے بعداسے کم یا زیادہ قیمت پر فروخت کرنا اور نفع لینا جائز ہے ، سائل نے جو روایت ذکر کی ہے اس کے صحیح الفاظ یہ ہیں "حکیم بن حزام نے غلہ خریدا جو حضرت عمر نے لوگوں کو دلوایا تھاپھر حضرت حکیم بن حزام نے اس غلہ کو قبضہ سے پہلے بیچ ڈالاجب حضرت عمررضی اللہ عنہ کو اس کی خبر پہنچی تو آپ نے وہ غلہ حکیم بن حزام کو واپس کردیا اور کہا جس غلہ کو تم خریدو اس کو اس وقت تک نہ بیچو جب تک اس پر قبضہ نہ کر لو" اس روایت میں حضرت عمر رضی اللہ عنہ کا حضرت حکیم بن حزام  رضی اللہ عنہ کی فروخت کردہ چیز کو واپس کرنا اس وجہ سے تھاکہ انہوں نے اس کو قبضہ سےپہلے فروخت کیا تھا نہ کہ اس وجہ سے کہ انہوں اس میں کسی قسم کا اضافہ نہیں کیا تھا۔ لہذا کسی منقول چیز کےقبضہ  میں آنے کے بعدبغیر کسی اضافہ کے آگے بیچنا جائز ہے ۔

مالك، عن نافع؛ أن ‌حكيم ‌بن ‌حزام، ابتاع طعاما، أمر به عمر بن الخطاب للناس. فباع حكيم الطعام قبل أن يستوفيه.فبلغ ذلك عمر بن الخطاب. فرده عليه. وقال: لا تبع طعاما ابتعته، حتى تستوفيه.(موطأالإمام مالك،باب ما لم يقبض من الطعام وغيره،ج:3،ص:198)

عن أنس قال: غلا السعر على عهد رسول الله صلى الله عليه وسلم، فقالوا: يا رسول الله، سعر لنا، فقال ‌إن ‌الله ‌هو ‌المسعر، القابض، الباسط، الرزاق، وإني لأرجو أن ألقى ربي وليس أحد منكم يطلبني بمظلمة في دم ولا مال.(جامع الترمذي،ابواب البیوع،باب،ج:3،ص:163)