واضح رہے کہ لقطہ میں ملی ہوئی چیز پر جو رقم خرچ کی جاتی ہے وہ شرعا تبرع کے حکم میں  ہے یعنی مالک سے اس کا مطالبہ نہیں کیا جا سکتا،البتہ اگر قاضی حکم   دیدے کہ اس پر خرچہ کرتے رہو  جب مالک مل جائے گا اس سے وصول کرلینا،تو ایسی صورت میں خرچے کی رقم وصول کرنے کا حق ہوتا ہے۔

               لہذا صورت مسئولہ کے مطابق اگر اس دوسرے شخص نے علامات بتا کرسائیکل پر ملکیت کا دعوی کیا ہو اور لقطہ اٹھانے والے کو اس پر اعتماد آچکا ہوتو وہ اس کو سائیکل دیدے پھر اگر اس نے اس سائیکل  پر قاضی کی اجازت کے بغیر خرچہ کیا ہے  تو وہ مالک سے اس کا مطالبہ کرنے کا حق نہیں رکھتا۔تاہم چونکہ اس نے مالک کو  وہ چیز  درست کرکےدیدی ہے اس لیے اچھے اخلاق کا تقاضا یہ ہے کہ وہ اس کو خرچے کی رقم حوالہ کردے۔

(وهو في الإنفاق على اللقيط واللقطة متبرع) لقصور ولايته (‌إلا ‌إذا ‌قال ‌له ‌قاض أنفق لترجع) فلو لم يذكر الرجوع لم يكن دينا في الأصح.(الدر المختار مع رد المحتار، كتاب اللقطة، ج:4، ص:281)

‌وما ‌أنفق ‌الملتقط على اللقطة بغير إذن الحاكم فهو تبرع، كذا في الكافي. وبإذن القاضي يكون دينا، وصورة إذن القاضي أن يقول له: أنفق على أن ترجع. (الفتاوى الهندية، كتاب اللقطة، ج:2، ص؛290)