واضح رہے کہ قرض کی صورت میں جتنی رقم کسی  کے ذمہ واجب الاداء ہوتی ہے   اتنی ہی  رقم  قرض خواہ   کو واپس   کرنا ضروری  ہوتا   ہے، چنانچہ قرض کی ادائیگی پرکسی قسم کے اضافہ کا مطالبہ کرنا یا  شرط لگانا  سود کے زمرے میں   آنے  کی وجہ  سے جائز نہیں ہے۔

                صورت مسئولہ  کے مطابق بکر کا زید کو 20 ہزار روپے بطور قرض فراہم کرکے اس سے  ہر ہزار کے عوض300سو اضافہ کا مطالبہ کرنا  سود کے زمرے  میں  داخل ہے ، اس لیے جائز نہیں تاہم اس کی جائز صورت  یہ ہو سکتی ہے کہ بکر  اور زید مشترکہ طور پر موبائل خریدیں اور پھر بکر اپنا حصہ زید پر نفع کے ساتھ فروخت  کرے  ۔

قال محمد رحمه الله في كتاب الصرف: إن أبا حنيفة كان يكره ‌كل ‌قرض ‌جر منفعة قال الكرخي: هذا إذا كانت المنفعة مشروطة في العقد ؛بأن أقرض عادلية صحاحاً أو ما أشبه ذلك، فإن لم تكن المنفعة مشروطة في العقد، فأعطاه المستقرض أجود مما عليه، فلا بأس به۔(الفتاوي التاتارخانية،كتاب البيوع،ج:9،ص:388)