واضح رہے کہ قرض دینے والا اگر قرض میں کوئی ایسی شرط لگائے جس کی وجہ سے اس کو فائد ہ ہو تو اس طرح معاملہ کرنا سود کے زمرے میں داخل ہونے کی وجہ سے حرام ہے۔

               صورت مسؤلہ میں اس شرط پر قرض لینا کہ ہرماہ 4 ہزار روپے قسط کے ساتھ 50 یا 100 روپے بھی اضافی دینے  ہوں گے،شرعاً یہ معاملہ سود پر مبنی ہونے کی وجہ سے جائز نہیں۔

قال الله تعالیٰ:﴿وَأَحَلَّ اللَّهُ الْبَيْعَ وَحَرَّمَ الرِّبَا﴾(البقرة:275)

قال:(كل قرض جر نفعا حرام) أي إذا كان مشروطا كما علم مما نقله عن البحر(رد المحتارعلى الدرالمختار،كتاب البيوع، باب المرابحة والتولية،ج:8،ص:295)