شریعت کی رو سے نکاح کے انعقاد کے لیے  دو گواہوں کا ہونا ضروری ہے۔ چنانچہ جب مجلس عقد میں  دو مرد یا ایک مرد اور دو عورتیں گواہ موجود ہوں، اور ان کے سامنے مرد اور عورت خود یا ان کے وکیل  ایجاب و قبول کرلیں تو ایسی صورت میں ان کا  نکاح منعقد ہوجاتاہے۔

                 لہذا صورت مسئولہ کے مطابق اگر ایک مرد اور ایک بیوہ عورت دو گواہوں کی موجودگی میں  خود ایجاب و قبول کر لیں تو شرعا ان کا نکاح منعقد ہوجائےگا۔

(و)شرط(حضور)شاهدين(حرين)أو حر و حرتين(مكلفين سامعين قولهما معا)على الأصح(فاهمين)أنه نكاح على المذهب.(الدرالمختارعلی صدرردالمحتار،كتاب النكاح،ج:4،ص:87۔۔۔92،دارالكتب العلمية)

قال: " ولا ينعقد نكاح المسلمين إلا بحضور شاهدين حرين عاقلين بالغين مسلمين رجلين أو رجل وامرأتين عدولا كانوا أو غير عدول أو محدودين في القذف ".(الهداية،كتاب النكاح،ج:2،ص:5،بشرى)