عورت کے چہرے کا پردہ نصوص سے ثابت ہے۔اللہ تعالی کاارشادہے:

(1)واذا سألتموهن متاعاً فاسئلوهن من وراء حجاب۔(سورۃ الأحزاب:53)

ترجمہ:اورجب تمھیں نبی کی بیویوں سےکچھ مانگناہوتوپردےکےپیچھےسےمانگو۔

دوسری جگہ ارشادہے:

(2)يَا أَيُّهَا النَّبِيُّ قُل لِّأَزْوَاجِكَ وَبَنَاتِكَ وَنِسَاءِ الْمُؤْمِنِينَ يُدْنِينَ عَلَيْهِنَّ مِن جَلَابِيبِهِنَّ ۚ ذَٰلِكَ أَدْنَىٰ أَن يُعْرَفْنَ فَلَا يُؤْذَيْنَ (سورة الأحزاب:59)

ترجمہ:اےنبی  !تم اپنی بیویوں،اپنی بیٹیوں اورمسلمانوں کی عورتوں سےکہہ دوکہ وہ اپنی چادریں اپنے(منہ کے)اوپرجھکالیاکریں۔

                اس آیت کی تفسیرمیں ابن عباس رضی اللہ عنہماسےمنقول ہےکہ"عورت بڑی چادراپنی پیشانی کےاوپرڈال لےگی اوراس کوباندھ کرناک پرپھیرےگی اگرچہ اس کی آنکھیں کھلی رہیں لیکن سینےاورچہرےکااکثرحصہ ڈھانپ لےگی،اورایک دوسری روایت میں ابن عباس رضی اللہ عنہماسےابن جریر،ابن ابی حاتم اورابن مردویہ نےنقل کیاہےکہ اپنےچہرےکوسرکےاوپرسےبڑی چادرکےذریعےڈھانپ لےگی اورصرف ایک آنکھ کھلی رکھےگی۔"(تفسير الألوسي،روح المعاني،ج:11،ص:264)

(3)عن عائشة قالت كان الركبان يمرون بنا ونحن مع رسول الله -صلى الله عليه وسلم- محرمات فإذا حاذوا بنا سدلت إحدانا جلبابها من رأسها إلى وجهها فإذا جاوزونا كشفناه.(سنن أبي داؤد،باب في المحرمة تغطي وجهها،ج:2،ص:104،رقم الحديث:1835)

ترجمہ:حضرت عائشہ رضی اللہ تعالی عنہاسےروایت ہےفرماتی ہیں کہ:ہم پرمسافروں کےقافلےگزرتےتھے،اورہم حضورﷺکےساتھ سفرمیں حالت احرام میں ہوتی تھیں ،پس جب وہ مسافرہماری محاذات میں آتےتھےتوہم اپنےسرکی چادروں کونیچےسرکاکرچہرےپرکرلیتے تھے پھرجب وہ قافلےگزرجاتےتوہم اپناچہرہ کھول لیتے۔

خیر القرون میں جب ازواجِ مطہرات اور صحابیات رضوان اللہ علیہن کو چہرے کے پردے کا حکم تھا اور انہوں نے اس کا اہتمام کیا تو اس دور میں بدرجہ اولیٰ مؤمنات کو چہرے کے پردے کا اہتمام لازم ہے۔