شریعت مطہرہ میں متعین عوض کے مقابلے میں معلوم منفعت کا معاملہ  کرنا  اجارہ کہلاتا ہے،جس میں عوض لینے والےکو مؤجر اور منفعت وصول کرنے والے کو مستاجر کہتے ہیں،مؤجر کو بعض اوقات یہ  خطرہ ہوتا ہے  کہ مستاجر  دکان  یا گھر وغیرہ کو نقصان پہنچا کر یا بجلی اور گیس وغیرہ کا بل چھوڑ کر بھاگ نہ جائے،تو وہ اس خطرہ کے پیش نظرمستاجر سے ایڈوانس رقم لیتا ہے، یہ ایڈوانس رقم لینا جائز ہے،البتہ اگرمستاجر نےایڈوانس رقم کو اس شرط کے ساتھ مشروط کیا ہو کہ اس کی وجہ سے موجرکرایہ میں معروف کرایہ سےکمی کرےتو سود ہونےکی وجہ سےیہ جائز نہیں ہے۔

           صورت مسئولہ میں گھر کی ایڈوانس  رقم میں اس غرض سے زیادتی  کرنا تاکہ اس کی وجہ سے کرایہ میں کمی ہو،سود ہونے کی وجہ سے جائز نہیں۔

"الإجارة: عقد على المنافع بعوض".(الهداية،كتاب الاجارات،ج:3،ص:230)

أو أقرضه وشرط شرطا له فيه منفعة؛ لما روي عن رسول الله - صلى الله عليه وسلم - أنه «نهى عن قرض جر نفعا» ؛ ولأن الزيادة المشروطة تشبه الربا؛ لأنها فضل لا يقابله عوض، والتحرز عن حقيقة الربا، وعن شبهة الربا واجب هذا إذا كانت الزيادة مشروطة في القرض.(بدائع الصنائع،كتاب القرض،فصل في الشروط،ج:10،ص:597)