شرعی نقطۂ نظر سے  منگنی  میں  اگر باقاعدہ  ایجاب و قبول نہ ہوا ہو،تو اس کی حیثیت وعدہ نکاح  کی ہے ،لہذا جانبین میں سے ہر ایک کے لیے اس وعدے کو پورا کرنا چاہیے،اور کسی واقعی عذر کے بغیر وعدہ خلافی سے بچنا ضروری ہے۔

                  صورت مسئولہ کے مطابق اگر لڑکے اور لڑکی کے مابین واقعی صرف منگنی ہوئی ہوتو لڑکی کو چاہیے کہ وہ اس  کی پاسداری کرکے لڑکے سے نکاح کرے،تاہم اگر لڑکی کسی صحیح عذر کی بنا پر اس سے نکاح کرنے پر راضی نہ ہو تو اس کو دوسری جگہ نکاح کرنے کی اجازت ہے،لہذا لڑکے کی جانب سے کسی قسم کی شرط لگانا درست نہیں ہے۔البتہ بغیر کسی عذر کے اس رشتے کو ختم کرنے  کی صورت میں وعدہ خلافی کی وجہ سے یہ لڑکی گناہ گار ہوگی۔

قال اللہ تعالیٰ:﴿ وأوفوا بالعهد إن العهد كان مسئولا﴾(بني اسرائيل:34)

وقال الآلوسي في تفسير هذه الآية: ما عاهدتم الله تعالى عليه من التزام تكاليفه وما عاهدتم عليه غيركم من العباد. (روح المعاني،ج:8، ص:69)

‌الخلف ‌في ‌الوعد حرام.(الأشباه والنظائرلابن نجيم،ص:247)

وقال ابن عابدين:قال في شرح الطحاوي:لو قال هل أعطيتنيها فقال:أعطيت إن كان المجلس للوعد فوعد ،وإن كان للعقد فنكاح.(ردالمحتار على الدرالمختار،كتاب النكاح،ج:3، ص:11 )