واضح رہے کہ کسی متعین شخص،کمپنی  یاادارہ کی جانب سے کسی کام پر مامور شخص  اجیر کہلاتا ہے  پھر اگر وہ اجیر صرف مستاجر ہی کے واسطے کام کرنےپر مامور ہو تواجیر خاص ہےاور اگر متعین وقت میں کسی متعین  شخص یا کمپنی کے لیے کام کرنے پر مامور نہ ہو تووہ اجیر مشترک کہلاۓ گا۔

               صورت  مسؤلہ میں ایزی  پیسہ دکاندار اجیر مشترک  ہے  اور اجیرمشترک کام مکمل کرنے بعداجرت کا مستحق ہوتا ہے۔ لہذا ریٹیلر  دکاندار کاکمپنی سےکمیشن لینا درست ہے۔ لیکن اس پر گاہک سے اضافی کمیشن لينا جائز نہیں کیونکہ دکاندار کمپنی کا اجیر ہے اورکمپنی دکاندار کو ان رقوم کی منتقلی پر اجرت بصورت کمیشن دیتی ہے۔ لہذا ایک عمل پردوہری اجرت یعنی کمپنی کے علاوہ کسٹمر سے بھی اجرت لینادرست نہیں۔

(فالأول من يعمل لا لواحد) كالخياط ونحوه (أو يعمل له عملا غير مؤقت) كأن استأجره للخياطة في بيته غير مقيدة بمدة كان أجيرا مشتركا وإن لم يعمل لغيره (أو موقتا بلا تخصيص)...(ولا يستحق المشترك الأجر حتى يعمل).(الدرالمختار، كتاب الإجاره،  ضمان الأجير، ج:9، ص:88، دارالكتب العلمية)

لايجوزلأحد من المسلمين أخذ مال أحد بغيرسبب شرعى۔(البحرالرائق،فصل فى العزير، ج:5، ص:68)