خرید وفروخت میں جب رقم  ایڈوانس  دے کر مبیع بعد میں حوالہ کرنے کا معاملہ ہو تو اس کو فقہا کی اصطلاح میں بیع سلم کہا جاتا ہے جس کے لیےدرجہ ذیل شرائط کا ہونا ضروری  ہیں :

            1۔مبیع کی جنس معلوم ہو جیسے:گندم ،جو وغیرہ

           2۔نوع معلوم ہو جیسے:بارانی گندم یا سیراب شدہ  زمین کا گندم

           3۔صفت معلوم ہو جیسے:عمدہ یا کمزور

          4۔مقدار معلوم ہو۔

         5۔مبیع ایسی چیز ہو جو کسی کے ذمے  دین اور قرض بننے کے لائق ہو۔

        7۔مبیع  ادا کرنے کی مدت متعین ہو۔

        8۔مبیع  کی حوالگی کا مقام  متعین ہو۔

       9۔کسی معین چیز کو مبیع بنانا جائز نہیں،کیونکہ ایسی چیز کے حوالہ کرنے سے بائع عموماً عاجز ہوتا ہے مثلا مخصوص کھیت  یا گاؤں کافصل یا مخصوص درخت کا پھل۔

       صورت مسئولہ میں  بیان کردہ  عقد  بیع سلم  کے طور پر جائزہے لہذا  بیع سلم کےلیے جو شرائط ہیں ان سب  کا لحاظ ضروری  ہو گا۔

باب السلم (هو) لغة كالسلف وزنا ومعنى وشرعا (بيع آجل) وهو المسلم فيه (بعاجل) وهو رأس المال (وركنه ركن البيع).(الدر المختار على صدر رد المحتار،باب السلم،ج:5،ص:209)

وشرائطه: تسمية الجنس والنوع والوصف والأجل والقدر ومكان الإيفاء إن كان له حمل ومؤونة، وقدر رأس المال في المكيل والموزون والمعدود، وقبض رأس المال قبل المفارقة.( الإختيار لتعليل المختار، كتاب البيوع، باب السلم، ج:2، ص:34)