شریعت مطہرہ کی رو سے جھوٹ گناہ کبیرہ ہونے کی وجہ سے حرام اور ناجائز ہے، تاہم بعض اوقات سخت ضرورت کی بنا پر توریہ یا تعریض وغیرہ سے استفادہ کیا جاسکتا ہے، اگرچہ اس سے بھی اجتناب کرنا چاہئے۔ نیز جھوٹا سرٹیفکیٹ شہادۃ الزور (جھوٹی گواہی) کے زمرے میں بھی آتا ہے جس کا ارتکاب کرنے والا گنہگار ہوتا ہے۔

                لہذا صورت مسئولہ کے مطابق اگر واقعی سائل  جھوٹ پر مبنی ڈیوٹی سرٹیفکیٹ پیش کررہا ہو تو اس کے لیے ایسا کرنا جائز نہیں، جس کی وجہ سے متعلقہ آفیسر اور سائل دونوں گنہگار ہوں گے، البتہ اگر  جھوٹ کے بجائے توریہ یا تعریض وغیرہ سے کام لے تو اس کی گنجائش ہے۔

              جہاں تک ریگولر ہونے کے بعد تنخواہ وصول کرنے کی بات ہے، تو اگرچہ  سائل  اور متعلقہ آفیسر اس جھوٹے سرٹیفکیٹ کی وجہ سے گناہ کے مرتکب ہیں، لیکن اگر سائل اس کام کی اہلیت رکھتا ہو جس کے لیے اس کا انتخاب ہوا ہے اور ڈیوٹی کے اوقات میں حاضر بھی رہتا ہو  تو  اس کےلیے  تنخواہ یا اجرت لینے میں کوئی مضائقہ نہیں۔

حدثنا محمد بن جعفر، حدثنا شعبة، حدثني عبيد الله بن أبي بكر قال: سمعت أنس بن مالك قال: ذكر رسول الله صلى الله عليه وسلم الكبائر، أو سئل عن الكبائر، فقال: " الشرك بالله، وقتل النفس، وعقوق الوالدين " وقال: " ألا أنبئكم بأكبر الكبائر " قال: " قول الزور، أو قال: شهادة الزور " قال شعبة: أكبر ظني أنه قال: " شهادة الزور ". (مسند الإمام أحمد بن حنبل،ج:19، ص:343، رقم الحديث: 12336،مؤسسة الرسالة)

(‌والكذب ‌حرام إلا في الحرب للخدعة وفي الصلح بين اثنين وفي إرضاء الأهل وفي دفع الظالم عن الظلم)... (ويكره التعريض به) أي بالكذب (إلا لحاجة). (مجمع الأنهر في شرح ملتقى الأبحر،كتاب الكراهية، فصل في المتفرقات، ج:2، ص:552، دار إحياء التراث العربي،بيروت)

وإن استأجرها ليزني بها، ثم أعطاها مهرها أو ما شرط لها لا بأس بأخذه؛ لأنه في إجارة فاسدة ‌فيطيب ‌له وإن كان السبب حراما. (البحرالرائق شرح كنز الدقائق، باب الإجارة الفاسدة، ج:8، ص:22، دار الكتاب الإسلامي)