ہر وہ عقد جو انسان خود کرسکتا ہواس  میں دوسرے کو وکیل  بھی بنا سکتاہے۔پھرعقد وکالت میں وکیل اتنا تصرف کرسکتا ہے جتنا اس کو اختیار دیا گیاہومؤکل کی اجازت کے بغیر وکیل تصرف کا مجاز نہیں ہوتا۔

              صورت مسئولہ کے مطابق امام صاحب  کی حیثیت وکیل کی ہے،چونکہ مؤکل نے چندہ مدرسہ کےلیے دیاہے اس لیے براہ راست اس چندہ کے پیسوں سے اپنی تنخواہ پوری کرنا جائز نہیں ہے۔

             جہاں تک مہتمم کی جانب سے ناشتے کے 50روپے ملتے ہیں تو امام اس کا مالک ہوتا ہے اس لیے ان پیسوں کو  اپنی دوسری ضروریات میں استعمال کرسکتاہے۔

كل عقد جاز أن يعقده الإنسان بنفسه جازأن يؤكل به غيره.(فتح القدير،كتاب الوكالة،ج:8،ص:3)

إنّ الوكيل من حيث هو وكيل يملك جنس التصرّف من جهة المؤكّل.(فتح القدير،كتاب الوكالة ،ج:8،ص:12،13)      

فإن القياس أن يتصرف المالك في ملكه كيف شاء.(البناية شرح الهداية،كتاب الصلاة،البيع عند أذان الجمعة،ج:8،ص:218)