فقہائے کرام کی تصریحات کے  مطابق فرض نمازوں کی پہلی دو رکعتوں میں فاتحہ پڑھنا اور اس کے ساتھ سورت یا تین چھو ٹی آیتیں  یا ایک بڑی آیت ملانا واجب ہے،جب کہ آخری دو رکعتوں میں فاتحہ پڑھنا واجب اور ضروری نہیں ہے،تاہم  پڑھنا سنت ہے۔

                لہذا صورت مسئولہ کے مطابق تین یا چار رکعتوں والی فرض نمازوں کی تیسری اور چوتھی رکعت میں امام کے لئے فاتحہ پڑھنا ضروری نہیں ہے، بلکہ ان میں تین مرتبہ تسبیح پڑھنے یا اس کے بقدر خاموش کھڑے رہنے پر اکتفا کرنا بھی جائز ہے،تاہم سورت فاتحہ پڑھنا سنت ضرور ہے ،اس وجہ سے بلا عذر فاتحہ کو چھوڑنا مناسب نہیں ہے،البتہ جلدی کی حالت میں  یا کسی عذر کی  بناء پر فاتحہ کو چھوڑنے کی گنجائش ہے۔

وتجب قراءة الفاتحة ،و ضم السورة،أو ما يقوم مقامها من ثلاث آيات قصار أو آية طوية في الأوليين بعد الفاتحة۔(الدر المختار،كتاب الصلوة،دار الکتب العلمیة بيروت،ج:1،ص: 71)

واكتفى المفترض فيما بعد الأوليين بالفاتحة ،فإنها سنة علی الظاھروھو مخیر بین قراءۃ الفاتحة و تسبیح ثلاثا  و سکوت قدرھا.(الفتاوى الهندية، كتاب الصلوة،دارالفكر بيروت ،2/152)