مروجہ کرنسی ثمن خلقی نہیں بلکہ ثمن عرفی ہے اس لئے مجلس عقد میں دونوں کرنسیوں کی بجائے کسی ایک کرنسی  پر قبضہ ضروری ہے  تاکہ ادھار کے بدلہ ادھار کی بیع لازم نہ آئے۔

            صورت مسؤلہ میں اس شخص نے صراف سے درہم خریدے اگر مجلس ہی میں پاکستانی روپے دیے لیکن درہم پر قبضہ نہیں کیا تو یہ جائز ہے کیونکہ احد البدلین پر مجلس عقد میں قبضہ ہوگیا لیکن جب اس شخص نے دراہم قبضہ کیے بغیر آگے فروخت کیے اور اس خریدو فروخت میں مجلس عقد میں کسی ایک کرنسی پر بھی قبضہ نہیں ہوا تو یہ عقد بیع الکالی بالکالی(ادھار کے بدلہ ادھار) کے زمرہ میں داخل ہو کر جائز نہیں ہوا۔

(باع فلوسا بمثلها أو بدراهم أو بدنانير فإن نقد أحدهما جاز)وإن تفرقا بلا قبض أحدهما لم يجز۔ (تنوير الابصار مع الدر المختار،باب الربا،ج7،ص414)

ومنها في المبيع وهو أن يكون موجودا فلا ينعقد بيع المعدوم ۔۔۔ وأن يكون مملوكا في نفسه وأن يكون ملك البائع فيما يبيعه لنفسه ۔۔۔ ولا بيع ما ليس مملوكا له ۔۔۔ وأما شرائط النفاذ فنوعان أحدهما الملك أو الولاية۔(الفتاوى الهندية،كتاب البيوع،الباب الاول،ج3،ص2)