واضح  رہے کہ محض نیت وارادہ سےکوئی چیز وقف نہیں ہوتی،نیز وقف تام ہونے کے بعد وقف شدہ زمین سے جب تک  متعلقہ مصرف میں فائدہ اٹھانا ممکن ہو تو کسی دوسری زمین سے  اس کا استبدال جائز نہیں۔اور وقف تام  ہونے کے لیے شرط یہ ہے کہ موقوفہ چیز جس مقصد کے لیے وقف کی گئی ہو اس میں کم از کم ایک مرتبہ  استعمال ہو جائے ،چنانچہ مدرسہ کے لیے وقف کی گئی زمین  کا وقف اس وقت تام متصور ہو گا جب اس میں تعلیمی سلسلہ شروع ہو جائے ۔تاہم  ایسی زمین جو مدرسہ کے لیے خریدی گئی ہو لیکن اس میں تعلیمی سلسلہ شروع نہ چکا ہو تو  وقف تام نہ ہونے  کی وجہ سےاس میں تبدیلی کی اجازت ہے۔

          صورت مسئولہ  میں اگر زمین مدرسہ کی نیت سے خریدی گئی ہولیکن اس میں تعلیمی سلسلہ شروع نہ ہوا ہو تو شرعااس کو فروخت کر کے دوسری جگہ زمین خریدنے کی گنجائش ہے۔  

 الوقف إخراج المال عن الملک علی وجه الصدقة، فلایصح بدون التسلیم کسائر التصرفات۔ (بدائع الصنائع، کتاب الوقف ،ج:5،ص:328 )

وعند محمد لا يزول ملك الواقف الا بالتسليم الي المتولي او إلی الموقوف عليه۔۔۔ حتی ان علی قوله لو لم يسلم الوقف إلی المتولي لا يزول ملكه فله ان يرجع في ذلك واذا مات يورث عنه۔(الفتاوي التاتارخانية،كتاب الوقف ، الفصل الثاني ،ج:8 ،ص:10)

والحاصل ان التسليم علي قول من يشترط التسليم وهو قول محمد يكون باحدي طريقتين: إما باثبات اليد للقيم عليها او لحصول المقصود وذلك في السكني في مسئلة الدار وبالنزول في مسئلة الخان وبالدفن في مسئلة القبروما اشبه ذلك۔( الفتاوي التاتارخانية،كتاب الوقف،الفصل الثاني والعشرون ،ج:8،ص:185)