شریعتِ مطہرہ کی رو سے کسی شخص کا دوسرے کے بچے کو گود لینا اور اس کو اپنی تربیت اور پرورش میں رکھنا فی نفسہ جائز ہے اور یہ بچہ شرعاً متبنیٰ(لے پالک) کہلاتا ہے اور لےپالک بیٹا یا بیٹی  حقیقی اولاد  نہیں ہوتی اس لیے ان   پر حقیقی اولاد کے احکام جاری نہیں ہوتے ۔ اس لیے شرعاً یہ لازم ہے کہ ان کی نسبت اپنے حقیقی والد کی طرف کی جائے ، اسی طرح وہ  اپنے حقیقی والد کی میراث کے مستحق ہوں گے اور گود لینے والے شخص کی میراث  میں لےپالک کا کوئی حصّہ نہیں ہوتا۔

           صورت مسئولہ میں لےپالک بیٹی(سعدیہ) كا میراث ميں كوئى حصّہ نہیں بنتا۔ تاہم  اگردیگر ورثا اپنی رضامندی سے اس لے پالک کو کچھ دینا چاہیں تو دے سکتے ہیں۔

قال اللہ تعالیٰ :﴿ادعوھم لآبائھم ھو اقسط عند اللہ﴾(سورة الأحزاب:05)

فیبدأ بذی الفرض ثمّ  بالعصبة النسبیّة ثمّ بالعصبة السببیّة ۔۔۔۔۔ ثمّ ذووالأرحام۔( الفتاوی الھندیة، کتاب الفرائض،ج:6،ص:440، دارالفکر)