واضح رہے کہ  جب بائع اور مشتری اپس میں   باہمی رضا مندی سے کسی چیز کی بیع  طے کرلیں اور طرفین سے ایجاب و قبول ہوجائے  تو اس سے بیع تام ہوکر مشتری کے ذمہ   ثمن  اور بائع کے ذمہ  مبیع حوالہ کرنا لازم ہوتا ہے۔

              صورت مسؤلہ کے مطابق  بائع  کا زمین فروخت کر کےمشتری سےپیسے لینے کے بعد مشتری کو مبیع حوالہ کرنا لازم ہے اور خود بائع یا وہ شخص جس کے نام زمین ہو  دونوں کے لیے انتقال کے خرچہ کے علاوہ دستخط پر اضافی پیسے لینا شرعا جائز نہیں  کیونکہ یہ مشتری کا حق ہے، لہذا    ان پرلازم ہے کہ  مشتری   کو بغیر کسی مطالبہ کے  دستخط کریں ۔

أن ركن البيع صدر من أهله. مضافا إلى محله فوجب القول بانعقاده، ولا خفاء في الأهلية والمحلية۔ (الهداية،كتاب البيوع ،فصل في أحكامه،ج:5،ص:129)

لا يجوز لأحد من المسلمين أخذ مال أحد بغير سبب شرعي۔(البحرالرائق،كتاب الحدود،فصل في التعزير،ج:5،ص:68)