کوئی شخص  اس وقت مسافر شمار ہوتا ہے،جب وہ ستتر کلومیٹر یا اس سے زیادہ مسافت کا قصد کرکے اپنے شہر یا گاؤں کی آبادی سے نکل جائے ۔ پھر جہاں کا قصد ہو اگر وہاں پر پندرہ دن  اقامت کی نیت نہ ہو تو نماز قصر ادا کرے گا۔اور اگر وہاں پندرہ دن یا اس سے زیادہ وقت گزارنے کا ارادہ ہو تو پھر پوری نماز ادا کرےگا۔

                صورت مسئولہ میں   سائل کے بیٹے  کا گھر اگر اس کے اپنے گھر سے  سے ستتر کلومیٹر دور ہے اور وہاں پر سائل پندرہ دن سے کم  مدت گزارنےکا ارادہ رکھتا ہو  تو نماز قصر اداکرنی ہوگی، یعنی چار رکعت والی نمازوں کو دو رکعت پڑھے گا۔ اور اگر پندرہ دن یا اس سے زیادہ  مدت گزارنے کا ارادہ  رکھتا ہو  تو  مکمل نماز ادا کرے گا۔

ولا يزال على حكم السفر حتى ينوي الإقامة في بلدة أو قرية خمسة عشر يوما أو أكثر۔(الهداية:كتاب الصلوة،باب صلوة المسافر،ج:1،ص:174)

من خرج من عمارة موضع إقامته قاصدامسيرة ثلاثة أيام ولياليها بالسير الوسط مع الاستراحات المعتادة،صلى الفرض الرباعي ركعتين۔(تنوير الأبصار على صدر رد المحتار:كتاب الصلوة،باب الصلاة المسافر،ج::2،ص:599...603)