عدت کے دوران عورت کے لیے کسی شرعی عذر کے بغیر گھر سے نکلنا جائز نہیں ہے، البتہ اگر کوئی شرعی عذر ہو تو دن کے وقت گھر سے نکلنے کی گنجائش ہے۔

            صورت مسؤلہ میں اگر پنشن کے حصول کی دفتری کارروائی کے لیے بیوہ کا دفتر جانا ضروری ہو اور وقت پر نہ جانے کی وجہ سے رقم ضائع ہونے یا ملتوی ہونے کا اندیشہ ہو تو وہ گھر کے اخراجات کے پیش نظر پنشن حاصل کرنے کے لیے گھر سے نکل سکتی ہے، تاہم کام کو جلد از جلد نمٹا کر گھر واپس آنے کا اہتمام کرے۔

(قوله ومعتدة الموت تخرج يوما وبعض الليل) لتكتسب لأجل قيام المعيشة؛ لأنه لا نفقة لها حتى لو كان عندها كفايتها صارت كالمطلقة فلا يحل لها أن تخرج لزيارة ولا لغيرها ليلا ولا نهارا. والحاصل أن مدار الحل كون خروجها بسبب قيام شغل المعيشة فيتقدر بقدره فمتى انقضت حاجتها لا يحل لها بعد ذلك صرف الزمان خارج بيتها كذا في فتح القدير۔ (البحرالرائق، كتاب الطلاق، فصل في الإحداد، ج:4، ص:258)