شریعتِ مطہرہ کی رو سے میراث کے احکام میت کے ترکہ میں جاری ہوں گے ، یعنی وفات کے وقت جو مال میت کی ملکیت  ہو وہ ورثا میں  بقدرِ حصصِ شرعیہ تقسیم ہوگا۔ جو مال میت کی ملکیت نہ ہو ، بلکہ وفات کے بعد کسی پیکج یا مراعات کے طور پر ورثا میں سے کسی کودیا جائے تو وہ میراث میں تقسیم نہ ہوگا۔

            صورت مسؤلہ میں ملازمت کرنے والا اپنی ملازمت کی تنخواہ کا خود حقدار ہے۔ کسی کا اس میں شرکت کا دعوی درست نہیں تاہم اگر اس نے وعدہ کیا تھا تو اس کو حسب استطاعت وہ وعدہ نبھانا چاہیے۔

عن كثير بن عبد الله بن عمرو بن عوف المزني , عن أبيه , عن جده , عن النبي صلى الله عليه وسلم قال: «المسلمون عند شروطهم , إلا شرطا حرم حلالا أو أحل حراما» (سنن الدار قطني، كتاب البيوع، رقم الحديث:2892)

العطاء لا يورث كذا في صلح البزازية۔(شرح الأشباه والنظائر، ج:2، ص:495)

التركة فی الإصطلاح ما تركه المیت من الأموال صافيا عن تعلق حق الغير بعين من الأموال۔ (رد المحتار، كتاب الفرائض، ج:10، ص:493)