رمضان کے آخری عشرہ میں اعتکاف کے لیے بیٹھنا ایک مسنون عمل ہے اور مسنون اعتکاف کے دوران بغیر کسی شرعی یا طبعی  عذر کے مسجد سے نکلنے سے اعتکاف فاسد ہوجاتا ہے۔البتہ نفلی اعتکاف میں مسجدسے نکلنے سے اعتکاف فاسد نہیں ہوتا۔

            صورت مسؤلہ کے مطابق انجکشن لگانےکےلیے مسجد سے نکلنے پر مسنون اعتکاف فاسد ہوگا تاہم ماں کی خدمت کرنا ضروری ہے لہذااگر انجکشن لگانے کے لیےکوئی اورشخص نہ ہو تو اس کو چاہیے کہ مسنون اعتکاف کی بجائےنفلی اعتکاف کی نیت کرے تاکہ بوقت ضرورت ماں کی خدمت کرسکے۔

لا يخرج المعتكف من معتكفه في الاعتكاف الواجب ليلا ولا ونهارا إلا لما لا بد له منه من الغائط والبول وحضور الجمعة ۔(بدائع الصنائع،فصل ركن الاعتكاف،ج:2،ص:165)