شریعت مطہرہ میں عورتوں کے لیے پردہ  نہ کرنے کی رخصت صرف ان مردوں سے ہے جن کو اللہ تعالی نےمحرمات کی فہرست میں ذکر کیا ہے ۔ ان کے علاوہ  مردوں سے پردہ کرنا واجب ہے ۔کسی دوسرے شخص کے بچے کو منہ بولا بیٹا بنا کر پالنے سے اس سے کوئی رشتہ ثابت نہیں ہوتا۔ لہذااگروہ منہ بولا بيٹا  نسبی یا رضاعی محرمات  میں سے ہومثلا بھتیجا،بھانجہ وغیرہ ہو تو بالغ ہونے کےبعد اس سے پردہ ضروری نہیں ، اور اگر محرمیت کا کوئی رشتہ نہ ہو تو نامحرم ہونے کی بناپربلوغت کےبعد اس سےپردہ ضروری ہوگا ۔

قال الله تعالی:وَمَا جَعَلَ أَدْعِيَاءَكُمْ أَبْنَاءَكُمْ ذَلِكُمْ قَوْلُكُمْ بِأَفْوَاهِكُمْ وَاللَّهُ يَقُولُ الْحَقَّ وَهُوَ يَهْدِي السَّبِيلَ ۔(الاحزاب:4)

فلا يثبت بالتبني شىء من احكام البنوة من الإرث وحرمة النكاح وغير ذلك۔(التفسير المظهري،سورة الاحزاب:4، ج:7،ص:386)