شرعی نقطہ نظر سے ایسا اچھا اور با معنی نام رکھنا ضروری ہے جو اللہ تعالی نے اپنے بندوں کے لیے پسند کیا ہو یا نبی کریم ﷺ نے ذکر فرمایا ہو ،یا وہ مسلمانوں میں رائج ہو، اس کے علاوہ جو نام ایسا ہو کہ حضورﷺ یا  حضرات  صحابہ رضی اللہ عنہم یا علماوصلحائے امت نے اسے استعمال نہ کیا ہو  اور نہ ہی کسی اچھے معنی اور مفہوم والا  ہو تو اس سے احتراز کرنا چاہیے۔

             "نصر" کےمعنی ہیں: فتح، کامیابی، مدد وحمایت اورقرآن کی ایک سورت کا نام بھی نصر ہے  ، اس نام كے ساتھ محمد یا ابو کا اضافہ بھی ٹھیک ہے جبکہ "اورہان"  ترکی زبان کا لفظ ہے  جس کو تاریخ کی کتابوں میں ”اورخان“ کے تلفظ کے ساتھ بھی لکھا گیا ہے، یہ  سلطنتِ عثمانیہ کے دوسرے سلطان تھے جو کہ 1281 عیسوی میں پیدا ہوئے۔ 1326 عیسوی میں عثمان غازی کی وفات کے بعد  "اورہان"  نے سلطنت  کی باگ ڈور سنبھالی تھی۔ ان کے نام پر نام رکھنا جائز ہے، البتہ ہمارے  ہاں برصغیر میں چوں کہ یہ غیر مانوس نام ہے،   اس لیے  صحابہ  یا دیگر بزرگوں کے ناموں میں سے انتخاب کرکے نام رکھا جائے تو یہ زیادہ اچھا ہے۔

نصرـــ "نصر مبین": فوز، فتح عقد له النصر وإنها لثورة حتى النصر. ( محیط المحیط، ج:9، ص:141)

"أورخان الأوّل" و عقب ذَلِك بِقَلِيل استدعي اورخان إِلَى وَالِده فَوَجَدَهُ فِي حَالَة النزع وَلم يلبث ان اسْلَمْ الرّوح إِلَى بارئ النسمات ومبدع الكائنات بعد ان اوصى للْملك بعده لاورخان ثَانِي اولاده الْمَوْلُود فِي سنة 1281 م لاتصافه بعلو الهمة والشجاعة والاقدام وَلم يوص بهَا لبكر اولاده عَلَاء الدّين لميله إِلَى الْوَرع وَالْعُزْلَة وَتُوفِّي رَحمَه الله فِي 21 رَمَضَان سنة 726 هجرية 1326 م عَن سبعين سنة قضى معظمها فِي تأسيس هَذِه الدولة الفخيمة الملحوظة بِعَين الْعِنَايَة الربانية وتوسيع نطاقها وَدفن فِي مَدِينَة بورصة وَبَلغت مُدَّة حكمه 27 سنة." ( تاريخ الدولة العلية العثمانية ، ج:1، ص:122)