شوہر بیوی کو ایک یا دو طلاقیں دے تو اس کے بعد شوہر کو عدت کے دوران رجوع کا حق حاصل ہوتا ہے اور اگر عدت میں رجوع نہ کرے تو عدت گزر جانے کے بعد اگر شوہر اسی عورت سے رشتہ زوجیت قائم کرنا چاہے تو باہمی رضامندی سے دونوں دوبارہ نکاح کر سکتے ہیں البتہ اس کےبعد شوہر ایک طلاق کا مالک ہوگا۔

               صورت مسؤلہ میں اگر شوہر نے واقعی دو طلاقیں دی تھیں تو عدت کے دوران اسے رجوع کرنے کا حق حاصل تھا لیکن اگر اس نے عدت کے دوران رجوع نہیں کیا تھا تو اسی عورت کو دوبارہ رشتہ ازدواج میں لانے کے لیے دوبارہ باہمی رضامندی سے نکاح کرسکتے ہیں، البتہ اس کے بعد شوہر کے پاس صرف ایک طلاق کا حق ہوگا یعنی اگر کبھی ایک طلاق دی تو اس پر بیوی طلاق مغلظہ کے ساتھ حرام ہو جائے گی۔

وإذا طلقها واحدة في الطهر أو في الحيض أو بعد الجماع فهو يملك الرجعة مادام في العدة لأن النبي - صلى الله عليه وسلم - «طلق سودة - رضي الله تعالى عنها - بقوله اعتدي ثم راجعها» ۔ ۔ ۔ فإذا انقضت العدة قبل الرجعة فقد بطل حق الرجعة وبانت المرأة منه، وهو خاطب من الخطاب يتزوجها برضاها إن اتفقا على ذلك. (المبسوط للسرخسي، كتاب الطلاق، باب الرجعة، ج:6، ص:19)